ORGASM HASIL NA KARNA (LACK OF ORGASM IN FEMALE)

ORGASM HASIL NA KARNA

(LACK OF ORGASM IN FEMALE)

Female Problems (Aurton kay jinsi masail) mein sab sey aam masla orgasm hasil na karna hai yeh masla kabhi ek dum aur kabhi ahista ahista paeda hota hai mukhtalif researches aur survey batatey hain kay 10% khawateen orgasm hasil nahin kartiin aur 20% kabhi kabhar hasil karti hain ta'hum Dr.Kaplan ka khayal hai kay agar koi jismani kharabi na ho to har aurat orgasm hasil kar sakti hai.

Orgasm hasil karney wali khawateen do tarah ki hoti hain:

  • Woh khwateen jinki jinsi khwahish hi kam hoti hai le'haza yeh khawateen jinsi amal mein purjosh nahin hotiin, chuna'ncha orgasm hasil nahin karpatiin.
  • Woh khawateen jo shadeed jinsi khwahish rakhti hain jinsi amal mein bharpoor hissa leti hain aur foreplay sey lutfandoz hoti hain unki faraj mein pani bhi aata hai magar yeh orgasm hasil nahin kar patiin.

3 TYPES OF LACK OF ORGASM:

  1. Woh aurtein jinhon ney kabhi orgasm hasil nahin kya unko ilm hi nahin hota kay yah kaisa hota hai.
  2. Woh aurtein jo kabhi kabhar orgasm hasil karti hain ya woh aurtein jo pehley orgasm hasil karti thiin magar ab hasil nahin kartiin.
  3. Aisi khwateen ba'az haalaat mein orgasm hasil kar leti hain aur ba'az mein hasil karney mein nakaam rehti hain.
  4. Master & Johnson ki research kay mutabiq iss masley ki zyada ter wajoohaat nafsiyati hoti hain jab kay jismani wajoohaat bohut kam hoti hain ta'hum inn wajoohaat ko bhi madd e nazar rakha jaey.

Psychological Reasons:

I. CHAND EHAM NAFSIATI WAJOOHAT:

  • Zehni daba'u.
  • thakawat.
  • koi sadma
  • mian biwi kay kharab ta'alluqaat.
  • jinsi ilm ki kami, namunasib tariqey.
  • khauf.
  • kisi kay aajaney ka khauf.
  • bachey kay jag uthney ka khauf.
  • hamal ka khauf.
  • sex kay hawaley sey manfi tasawwuraat.
  • mubashrat ko bura aur gandi cheez samajhna.
  • iss hawaley sey ehsas e gunah aur jurm.
  • jinsi jazbaat kay hawaley sey sharmindagi.
  • phir inn jazbaat ko dabaney ki koshish karna.
  • mubashrat kay dard ka khauf.
  • mard sey nafrat.
  • jinsi jazbaat ki kami.
  • la shaoori wajoohaat.

  Kuch aurtein baqa'eda orgasm ki muzahimat karti hain kyun kay unhein jinsi jazbaat kay tehat bey qaboo honay ka khauf aur phir sharmindagi ka ehsaas hota hai ba'az auqaat orgasm hasil na karney mein baar baar naakami ki wajah sey aurat ko tawaqq'a ho jati hai kay woh orgasm hasil na karey gi aur phir woh hasil nahin karti iss masley ki yeh ek ahem wajah hai phir yeh manfi tawaqqa'a iss masley ko mustaqil bana deti hai.  Ba'az khawateen orgasm kay husool kay silsiley mein apni zarooriyat sey apney khawand ko aagaah nahin kartiin jis ki wajah sey unn kay jinsi jazbaat poori tarah nahin ubhartey aur khawand mukammal jinsi ishti'aal sey pehley hi mubashrat shuru kar deta hai. Aisi surat mein aurat ko kam az kam 10 minute tez stroking ki zaroorat hoti hai jo kay woh nahin laga sakta chuna'ncha biwi orgasm hasil karney mein naakam rehti hai orgasm hasil na karney ki ek ahem wajah khawand ka surat e inzal (premature ejaculation) ka masla hai jiski wajah sey woh mubashrat kay amal ko zyada der tak jari nahin rakh sakta. Jaisa kay peechey bataya ja chuka hai kay aurton ki bari ta'adaad ko orgasm kay husool kay liye bilawasta bazry ishti'aal (clitoral stimulation) ki zaroorat hai aam haalaat mein zakar bilawasta bazer ko touch nahin karta iss surat mein ungli sey bazer ko mushta'il karney ki zaroorat hoti hai magar ba'az khwateen la ilmi ki wajah sey usey bura samajhti hain aur ta'awwun nahin kartiin nateejatan orgasm sey mehroom rehti hain. La ilmi ki wajah sey mian biwi mubashrat kay aisey tariqey istaemaal kartey hain jin mein orgasm ka husool bohut mushkil hota hai.

II. CHAND EHAM JISMANI WAJOOHAT:

 Jinsi nizam mein kharabi.
Nervous system mein kharabi.
Hormones ka adum tawazun.
Andam e nihani mein waram aur sozish.
Zyada umr.
Kamzor PC muscles.
Depression.
Sharab aur doosri nasha aawar ashya ki zyadti.
Ba'az adviyat kay side effects maslan mana'e hamal adviyat.
Depression aur wahem.
Waswaso'n ki adviyat maslan Zoloft, prozac waghaera.

ORGASM NA HASIL KARNAY KA ELAJ (TREATMENT AND CURE OF LACK OF ORGASM)

Ek aurat ka khawand kisi doosri aurat mein dilchaspi leney laga, ju'nhi biwi ko ilm hua woh orgasm sey mehroom ho gaee ek aur aurat musalsal daba'u kay hamil mahol mein reh rahi thi walid ki lambi beemari aur phir uski wafat ki wajah sey uska orgasm ka husool munqata'a ho gaya iss surat mein amooman sadmey kay kafi der ba'ad tak yeh masla jari rehta hai.

  • Apney maslaey ko janney kay liye aap bhi apney mazi ko yaad karein kay aap ka masla kab shuru hua uss waqt ko yaad karein jab aapka orgasm ka husool rukk gaya agar aapko yaad nahin aaraha to phir sochein kay kis saal yeh masla shuru hua. Unn dinon sex ka amoomi mahol (bedroom) waghaera kaisa tha, kya aapney apney bedroom ki aaraesh e nau ki thi ya aapney ghar ya sheher badla tha yeh sochein kay kis mahol mein aapney orgasm hasil kya tha aur kis mahol mein nahin. Iss kay liye aap ek notebook lein aur iss mein teen hafton ka record rakhein ek khatoon ko teen hafton kay ba'ad ma'aloom hua kay jab woh aur uska khawand khaney kay ba'ad ya mubashrat sey pehley ilmi guftugoo kartey to woh orgasm hasil karleti lekin agar na kartey to woh orgasm sey mehroom rehti ek doosri khatoon ko apney record sey ma'aloom hua kay agar woh andherey ki baja'ey madham roshni mein mubashrat kartey to woh orgasm hasil karleti isi tarah ek aur aurat ko apney record sey ma'aloom hua kay jab woh teen  ya char din kay ba'ad mubashrat karti to woh orgasm hasil karleti aur agar ek do din ba'ad mubashrat karti to usey bazer ko zyada mushta'el karney ki zaroorat parti. Jab ma'aloom ho jaey kay kon si cheez aap kay orgasm mein muaawin hai to phir shaoori tor per usey kar kay humesha orgasm hasil karein.


Woh aurtein jinhon ney kabhi orgasm hasil nahin kya ya zindagi mein chund bar hasil kya unka ilaj nisbatan aasan hai ilaj kay ahem tariqey darj zael hain:

  • Iss masley ki wajoohaat ka baghor ja'eza lein aur inka tadaruk karein sex kay hawaley sey khadshaat aur ghalat fehmiyon ko duur kya jaey iss kay liye humari kitaab 'Sex Education…Sab Kay Liye' ka muta'alla bey hudd mufeed hai.
  • Mubashrat kay doran aap tasawwur karein kay aap apni faraj kay zaryay haan'pney kay andaz mein saans ley rahi hain. 
  • Mubashrat kay doran apney sareen aur maq'ad kay muscles ko tight karein.
    Dakhool kay ba'ad haa'npney kay andaz mein taez saans lein iss sey jinsi jazbaat mushta'il hotey hain aur orgasm kay husool mein aasaani ho jati hai.
  • Orgasm hasil na karney ki wajah muscles ki kamzori bhi hai inn muscles ko mazboot karney ki wajah sey faraj ki deewaron ki hassasiyat barh jati hai aur mubashrat zyada lutfangaez ho jati hai jis sey orgasm hasil karney kay imkaanaat bhi barh jatey hain Dr.Kegel ney
  • Guzishta ek baab mein orgasm kay husool kay bohut sey tariqey bataey gaey hain aksar khawateen inko istaemaal kar kay orgasm hasil kar sakein gi. 
1950 kay wast mein PC muscles ko mazboot karney ki ek mushq muta'arrif karwaee jo isi kay naam 'Kegel Mushq' sey ma'aroof hai yeh mushq aurton aur mardon donon kay liye mufeed hai. Mardon kay liye yeh peeshaab kay qatron aur surat e inzal (premature ejaculation) kay liye mufeed hai faraj kay pattho'n ko mazboot karney kay liye usey bachey ki paeda'esh sey pehley aur ba'ad mein karney ki sifarish ki jati hai. San yaas (menopause) kay ba'ad yeh mushq faraj kay ander chiknahat ko barqaraar rakhti hai jo kay aaram deh mubashrat kay liye zaroori hai.

PC muscles ko talaash karney kay liye khuli taangon kay sath peeshab karein, phir peeshaab ko ek dum rok lein peeshaab ko rokney kay liye PC muscles ko hi bhee'ncha jata hai chund bar peeshaab ko rok kar PC muscles ki mushq karein iss tarah aap ko ma'aloom ho jaey ga kay iss mushq mein aapney kin muscles ki mushq karni hai. Ba'az aza'n aapney yeh mushq baghaer peeshaab kiye karni hai laet jaein aur apni ungli ko faraj mein dakhil karein aur PC muscles ko bhee'nchein aur dekhein kya aap ungli kay gird aenthen mehsoos kars akti hain.

EXERCISES OF PC MUSCLES:

KEGEL EXERCISE:

  • Bathroom jaey baghaer PC muscles ko 3 seconds kay liye bhee'nchein aur phir 3 second rest dein phir bhee'nchein phir rest. Din mein teen baar yeh mushq karein aur ek mushq mein 10 bar inn muscles ko bhee'nchein, waqt kay liye ghari istaemaal karney ki zaroorat nahin bul kay iss tarah ginti ginein kay ek hazar do, ek hazar teen, teen second mukammal ho gaey.
  • PC muscles ko bhee'nchein phir foran chor dein phir bhee'nchein aur foran chor dein yah mushq din mein teen baar karein aur ek mushq mein 10 baar PC muscles ko bhee'nchein shuru mein yeh mushq ahista ahista karein phir taezi kay sath.
  • Aap bathroom mein rafa'a hajat kay waqt neechey ko zor lagatey hain ta kay aap jald farigh ho jaein iss mushq mein isi tarah neechey ko karna hai magar maq'ad ki bajaey faraj mein tasawwur karein kay faraj kay bilkul aakhir mein ruee ka ek phaha hai, aapney usey neechey dhakael kar baher nikalna hai ek push teen char second tak jari rahey yeh mushq bhi din mein 3 bar karni hai aur ek mushq mein 10 bar push karein.
  • Yeh teenon mushqein din mein teen auqaat subah, dopahar aur sham mein karein har mushq 10, 10 bar dohraei'n ahista ahista ta'adaad barhatey jae'in hutta kay ek waqt mein 20 bar dohraein agar mushq kay doran paet ya naaf kay neechey baalon wali jagah khinchau aur tana'u mehsoos karein to mushq ki ta'adaad ko kam kardein magar din mein karni teen bar hi hai. Inn mushqon ko brush karney ki tarah apni zindagi ka hissa bana lein yeh mushqein aapki azdawaji zindagi ko bohut khushgawar bana deingi. PC muscles ki mushq kay istaemal ka zikr peechey bhi guzar chuka hai.
 Iss masley kay hal kay liye mubashrat kay doran bazer ko mushta'il karna bey hudd mufeed hai mazeed aurat ghaer fa'aal (inactive) honay ki bajaey fa'aal (active) ho aur mubashrat mein bhi purjosh jhatkey lagaey apney sareen ko mukhtalif andaz sey harkat dey sareen ki  harkat sey aurat ki jinsi tension mein izafa hota hai. Iss kay elawa mubashrat kay waqt mian kay ooper laetey aur apney bazer (clitoris) ko khawand ki paeru ki haddi sey press karey aur rugrrey iss sey aksar aurtein orgasm hasil karleti hain. Iss kay elawa orgasm kay qareeb biwi apni faraj kay patthon ko akra'ey, sukerey iss sey faraj mein mazeed rugger paeda hogi aur lutf bhi zyada hoga. Agar dakhool kay ba'ad kuch arsa aap ko bazri ishte'aal (clitoral stimulation) hasil ho to aap orgasm hasil karleingi bar bar iss ki mushq karein to kuch arsey ba'ad iss baat ka qawi imkaan hai kay aap sirf dakhool sey orgasm hasil karleingi aur bazri ishte'aal ki zaroorat na paregi. Iss tariqey mein khawand dakhool kay ba'ad biwi kay bazer ko ungli sey mushta'il karta hai iss doran khawand taez jhatkey nahin lagata bul kay ahista ahista lagata hai taa'kay uska tana'u barqarar rahey jab aap mehsoos karein kay aap orgasm hasil karney kay qareeb hain to aap khawand ko ishara karein to woh bazri ishte'aal bund kar kay taez stroke lagaey. Agar phir bhi aap orgasm hasil na karein to phir khawand stroke rok kar phir bazer ko hath sey mushta'il karey orgasm kay qareeb jhatkay lagaey yeh tariqa kaee bar istaemaal kya jaey hatta kay aap orgasm hasil karlein kaee hafton ki mushq kay ba'ad aap sirf dakhool sey hi orgasm hasil karleingi aur bazri ishte'aal ki zaroorat na parey gi. Mubashrat aur bazri ishte'aal kay doran apni tawajjuh ko orgasm sey hata lein aur doosri taraf ley jaein maslan apni tawajjuh ko jinsi tasawwuraat (sexual thoughts) ki taraf ley jaein, faraj kay muscles kay sukra'o per tawajjuh markooz karein apni saans per tawajjuh markooz karein apney khawand ki taraf tawajjuh markooz karein. jinsi lutf per tawajjah markooz karein orgasm kay husool kay liye yeh sab sey mu'asser hain magar zyada mu'asser jinsi tasawwuraat (sexual thoughts) ki taraf tawajjuh ley jana hai.

Dakhool sey pehley jinsi jazbaat ko khoob bharkaya jaey bazri ishte'aal hasil kya jaey iss doran aapki tawajjuh jinsi ehsaasaat per markooz rahey jab aap urooj per pohonch jaein to phir dakhool ho, mian ahista ahista jhatkey lagaey thori der ba'ad khawand zakar ko baher nikal ley, phir foreplay ho aur thori der ba'ad phir dakhool ho mubashrat kay doran 'stop…start method' orgasm kay husool kay liye ek acha tareeqa hai magar sath hi bazer ko bhi mushta'il kya jaey jab mard inzal kay qareeb ho to jhatkey lagana bund kardey iss martaba khawand zakar ko baher na nikaley aur paet sey lambey saans ley bazer ko mushta'il karta rahey iss doran jab mard kay inzal ka waqt guzar jaey ga to usey control hasil ho jaey ga orgasm sey bilkul pehley bazri ishte'aal bund kar diya jaey aur phir mian stroke lagaey to phir aap orgasm hasil karleingi mard kay rest kay doran aap khud bazri ishte'aal ko jari rakhein taa'kay aap jinsi urooj per rahein aur aap kay jazbaat kam na hun agar bazri ishte'aal jari na rahey to aap kay jazbaat kam ho jaein gey aur phir sab kuch shuru sey karna parey ga iss tarah waqt zyada lagey ga. Ba'az mahireen ka khayal hai kay orgasm hasil karney ki zimmeydaari khud aurat ki hai aur taqreeban her aurat orgasm hasil karna seekh sakti hai apney jism kay hassas hisson ko khud mushta'il kar kay taqreeban har aurat orgasm hasil kar sakti hai kisi  bhi tariqey sey orgasm hasil karna iss masley kay hal ki taraf pehla qadam hai. Agar aurat ek baar orgasm hasil kar ley to phir dobara hasil karna aasaan ho jata hai.

TIPS FOR SEXUAL PLESURE

Orgasm (sexual pleasure) hasil karney ki mushq kay liye ek ghanta mukhtus karein, jab aap buhat pursukoon hun kamrey mein akeli hun baerooni madaakhlat na ho kamrey ka darja hararat normal ho khusoosan thandak na ho mushq sey pehley ghusl karlein kamrey ki roshni maddham ho kaprey utaar lein saabqa kisi pur lutf tajurbey ka tasawwur karein aur apney saarey jism per mukhtalif andaz sey hath phaerna shuru karein jism per hath phaertey huey yeh tasawwur bhi kar sakti hain kay aap ka khawand aapko mushta'el kar raha hai pehley kam hassas hisson per hath phaerein, phir zyada hassas hisson per maslan pistaan, nipples, raano'n ka androoni hissa phir a'aaza e makhsoosa (genital organs) ko chaerein, baerooni lubon ko aur phir chikni ungli sey androoni lubo'n aur bazer ko mukhtalif andaz sey mushta'il karein. Saari tawajjuh jinsi lutf per markooz karein yeh mushq din mein do teen mukhtalif auqaat mein bhi ki jasakti hai apni tawajjuh apney jinsi ehsaasaat per markooz rakhein mushq jari rakhein hatta kay aap iss tariqey sey orgasm hasil kar lein. Iss mein kaee haftey bhi lag saktey hain aur aap doosri teesri koshish mein bhi kamyaab ho sakti hain mumkin hai kay aap shuru mein bore ho jaein to phir mushq ka waqt kam karlein ba'ad azaa'n barha lein. Agar ek ghantey ki mushq kay ba'ad aap ko sukoon mehsoos ho to shayad aapney orgasm hasil kar liya hai check karney kay liye apni chikni ungli faraj kay ander daakhil karein aur sath hi bazer ko bhi mushta'el karti rahein agar aap ko mehsoos ho kay faraj  aapki ungli ko bheen'ch rahi hai to samjhein kay aap ney orgasm hasil karliya.

Isi tarah agar ba'ad azaa'n aap ko bazer bohut hassas mehsoos ho to samjhein kay aapney orgasm hasil karliya ya aap bohut sukoon aur itmenaan mehsoos karein to bhi aapko orgasm hasil ho gaya. Iss surat mein yeh mushq jari rakhein to mazeed orgasm hasil ho jaeingey agar orgasm hasil na ho to mushq jari rakhein mushq kay tareeqa kaar mein tabdeeli kar lein yeh mushq laet kar, beth kar, kharey ho kar, taangein khol ker, taangein bund kar kay aur jhuk kar bhi ki jasakti hai koi na koi tareeqa kaamyaab ho jaey ga. Jab aap do char baar isi tarah orgasm hasil karlein aur aapko achi tarah ma'aloon ho jaey kay aap orgasm kay husool kay liye kya karti hain to phir iss mushq mein apney khawand ko shamil karlein aur usey bataein kay woh wohi kuch karey jo aap karti hain iss tarah jab khawand ki madad sey do char baar baghaer mubashrat kay orgasm hasil karlein to phir agla qadam uthaein iss doran mubashrat nahin karni agley qadam mein aap ka khawand aap ko mushta'il karey hatta kay aap orgasm kay qareeb pohonch jaein to aap ishaara karein to woh daakhil karey aur stroke lagaey aur sath sath aap ko pehley ki tarah hath sey bhi mushta'il karey aur jab aap orgasm kay bilkul qareeb pohonch jaein to phir ishara karein, woh phir daakhil kar kay stroke lagaey aur sath sath hath sey bhi aapko mushta'il karey iss tarah aap mubashrat mein bhi orgasm hasil karleingi aur kuch arsey ba'ad aap mubashrat sey hi orgasm hasil kareingi. Chu'nkay aksar aurton ko dakhool kay sath bazri ishte'aal (clitoral stimulation) ki zaroorat hoti hai le'haza taweel foreplay kay ba'ad dakhool ho aur  iss kay sath mian aap kay bazer ko mushta'il karey mubaashirat kay liye missionary tareeqa aur malika wala donon aazmaey ja saktey hain.


Master aur Johnson ka tariqa donon mian biwi kaprey utaar lein mian deewaar kay sath ya bister ki back kay sath taek laga kar beth jaey uski taangein samney ko pheli hun biwi khawand ki taangon kay darmiyan iss tarah beth jaey kay ser ko khawand kay seeney per rakha ho biwi ki taangein khawand ki taangon kay ooper hun. Ab khawand uskay jism per hath phaerey aur woh biwi ki rehnumaee aur hidayat kay mutabiq uski raano'n kay androoni hisson ko, baerooni lubo'n, androoni lubo'n, faraj aur bazer waghaera ko mushta'il karey daba'u aur frequency kay liye biwi uski rehnumaee karey. Chund din ki mushq kay ba'ad aurat iss tarah orgasm hasil karleti hai chund baar iss tarah orgasm hasil karney kay ba'ad, khawand pehley ki tarah usey muahta'il karey aur jab woh orgasm kay qareeb pohonch jaey to malika ki tarah khawand kay ooper beth kar ooper neechey stroke lagaey aur apney sareen ko mukhtalif andaaz sey harkat dey hutta kay orgasm hasil ho jaey iss mein bhi ka'ee haftey lag saktey hain mushq kay doran aam mubaashirat sey mukammal perhaez karna hota hai yeh mushq rozana 30 to 45 minutes ki jaey.

Nafsiyaati Elaj (Psychological Cure)

Agar inn tariqon sey bhi orgasm hasil na kar sakein to phir kisi aisey mahir e nafsiyat sey elaj karwaein jo jinsi masail kay hal ka bhi mahir ho.
Related Posts Plugin for WordPress, Blogger...